Suunto Traverse Gabay ng Gumagamit - 2.0

Backlight

Kapag pinindot ang LIGHT, maa-activate ang backlight.

Bilang default, mao-on ang backlight sa loob ng ilang segundo at awtomatiko itong mao-off.

May apat na backlight mode:

• Normal (Normal): Mao-on ang backlight sa loob ng ilang segundo kapag pinindot mo ang LIGHT at kapag tumunog ang alarm clock. Ito ang default na setting.
• Off (Naka-off): Hindi nao-on ang backlight sa pamamagitan ng pagpindot ng button o kapag tumunog ang alarm clock.
• Night (Gabi): Mao-on ang backlight sa loob ng ilang segundo kapag pumindot ka ng anumang button at kapag tumunog ang alarm clock.
• Toggle (Naka-toggle): Mao-on ang backlight kapag pinindot mo ang LIGHT at mananatiling naka-on hanggang sa pipindutin mong muli ang LIGHT.

Maaari mong baguhin ang pangkalahatang setting ng backlight sa mga setting ng relo sa ilalim ng GENERAL (PANGKALAHATAN) » Tones/display (Mga tunog/display) » Backlight (Backlight). Maaari mo ring baguhin ang pangkalahatang setting sa Movescount.

Maaari mong isaayos ang liwanag ng backlight (sa porsyento), alinman sa mga setting ng relo sa ilalim ng Tones/display (Mga tunog/display) » Backlight (Backlight) o sa Movescount.

Flashlight

Bukod pa sa mga karaniwang backlight mode, ang Traverse ay may isang karagdagang mode kung saan ang backlight ay awtomatikong itinatakda sa maximum na liwanag at maaaring gamitin bilang flashlight. Upang i-activate ang flashlight, pindutin nang matagal ang LIGHT.

Mananatiling naka-on ang flashlight sa loob ng apat na minuto. Maaari mo itong i-off anumang oras sa pamamagitan ng pagpindot sa LIGHT o BACK LAP.