Suunto 5 Gabay sa User

SuuntoPlus™ - Strava

Makakuha ng partikular na detalye tungkol sa kung gaanong pagsisikap ang inilalaan mo sa iyong ehersisyo gamit ang real-time na Relative Effort. Ang ehersisyo mo man ay mabagal at tuloy-tuloy o maikli at nakakapagod, binibigyan ka ng Relative Effort ng naka-personalize na sukat batay sa iyong mga heart rate zone, para maiangkop mo ang iyong pagsisikap kahit saan. Kapag tapos ka na, i-sync ang iyong aktibidad sa Strava o mas masulit pa ang iyong workout gamit ang Strava Summit: suriing mabuti ang data ng performance, tingnan kung gaanong progreso na ang nagawa mo sa kabuuan at nasaan ka na sa iyong cycle ng pagsasanay – tumitindi, nagpapanatili o nagpapagaling.

Para gamitin ang Strava Relative Effort sa Suunto 5:

1. Bago mo simulan ang pag-record ng ehersisyo, pindutin ang button sa ibaba para buksan ang mga opsyon ng sport mode.
2. Mag-scroll sa SuuntoPlus™ features at pindutin ang gitnang button.
3. Mag-scroll sa Strava at pindutin ang gitnang button.
4. Mag-scroll pataas papunta sa start view at simulan ang iyong ehersisyo gaya ng nakasanayan.
5. Habang nag-eehersisyo, pindutin ang gitnang button hanggang sa marating mo ang Strava display para tingnan ang value ng Relative Effort nang real-time.
6. Pagkatapos mong ihinto ang pag-record ng ehersisyo, makikita mo ang resulta ng Strava Relative Effort sa buod.
7. Para tingnan ang pangmatagalang pagsusuring nauugnay sa relative effort, tiyaking nakakonekta ang iyong Suunto 5 sa Strava sa pamamagitan ng Suunto App.

Para makuha ang parehong mga resulta ng Relative Effort sa Suunto 5 gaya sa Strava, huwag kalimutang i-adjust ang mga heart rate zone sa Suunto 5 para tumugma sa Strava.