Suunto 9 Peak Pro Gabay sa User

Turn-by-turn na pag-navigate na pinapagana ng Komoot

Kung isa kang miyembro ng Komoot, puwede kang makakita o magplano ng mga ruta gamit ang Komoot at maaari mong i-sync ang mga ito sa iyong Suunto 9 Peak Pro sa pamamagitan ng Suunto app. Karagdagan pa, awtomatikong masi-synchronize sa Komoot ang mga na-record mong ehersisyo sa pamamagitan ng iyong relo.

Kapag gumagamit ng pag-navigate ng ruta sa pamamagitan ng iyong Suunto 9 Peak Pro kasama ng mga ruta mula sa Komoot, bibigyan ka ng iyong relo ng mga tagubilin sa bawat pagliko sa pamamagitan ng pang-alertong tunog at text sa kung saan liliko.

Para gamitin ang turn-by-turn na pag-navigate na pinapagana ng Komoot:

1. Magrehistro sa Komoot.com.
2. Sa Suunto app, piliin ang mga partner na serbisyo.
3. Piliin ang Komoot at kumonekta sa pamamagitan ng mga parehong kredensyal na ginamit mo sa pagrehistro sa Komoot.

Awtomatikong masi-synchronize sa Suunto app ang lahat ng pinili o pinlano mong ruta (tinatawag na “mga tour” sa Komoot) sa Komoot, na madali mo na lang maililipat sa iyong relo pagkatapos nito.

Sundin ang mga tagubilin sa seksyong Mga Ruta at piliin ang iyong ruta mula sa Komoot para makakuha ng mga tagubilin sa bawat pagliko.

Para sa higit pang impormasyon tungkol sa partnership ng Suunto at Komoot, pakitingnan ang http://www.suunto.com/komoot