Suunto Ambit3 Peak Gabay sa User - 2.5

Mga indicator ng panahon

Maliban sa barometer graph (tingnan ang Paggamit sa profile ng Barometer(Barometer)), ang Suunto Ambit3 Peak ay may dalawang indicator ng panahon: lagay ng panahon at hudyat ng bagyo.

Ang indicator ng lagay ng panahon ay makikita bilang isang view ng display ng oras, na magbibigay sa iyo ng mabilis na paraan upang matingnan ang pabago-bagong lagay ng panahon.

Ang indicator ng lagay ng panahon ay binubuo ng dalawang linyang gumagawa ng anyong arrow. Ang bawat linya ay sumasagisag ng 3-oras na yugto. Ang pagbabago sa barometric pressure na mas malaki sa 2 hPa (0.59 inHg) sa mahigit tatlong oras ay nagiging dahilan ng pagbabago sa direksyon ng arrow. Halimbawa:

	matindi ang pagbaba ng pressure sa nakalipas na anim na oras
	hindi nagbabago ang pressure, ngunit matindi ang pagtaas sa nakalipas na tatlong oras
	matindi ang pagtaas ng pressure, ngunit matindi ang pagbaba sa nakalipas na tatlong oras

Hudyat ng bagyo

Ang ibig sabihin ng malaking pagbagsak sa barometric pressure ay karaniwang magkakabagyo at kailangan mong sumilong. Kapag aktibo ang hudyat ng bagyo, ang Suunto Ambit3 Peakay magpapatunog ng alarma at magfa-flash ng symbol ng bagyo kapag bumaba ang pressure sa 4 hPa (0.12 inHg) o mas mababa pa sa loob ng 3 oras na yugto.

Upang i-activate ang Storm alarm(Hudyat ng bagyo):

1. Pindutin nang matagal ang Next upang makapasok sa menu ng mga opsyon.
2. Mag-scroll sa Alti-baro(Alti-baro) gamit ang Light Lock at pumasok sa pamamagitan ng Next.
3. Pindutin ang Next upang piliin ang Storm alarm(Hudyat ng bagyo).
4. Itakda ang hudyat ng bagyo sa On(Naka-on) o Off(Naka-off) gamit ang iyong Start Stop o Light Lock at i-accept gamit ang Next.

Kapag tumunog ang hudyat ng bagyo, tinatapos ng pagpindot sa kahit anong button ang hudyat. Kung walang pipindutin na button, uulit ang hudyat ng isang beses pagkatapos ng limang minuto. Mananatiling nasa display ang simbolo ng bagyo hanggang sa umayos ang lagay ng panahon (kapag bumagal ang pagbagsak ng pressure).

May isang espesyal na lap (na tinatawag na 'hudyat ng bagyo') na nagaganap kapag nagkaroon ng hudyat ng bagyo habang nagre-record ng ehersisyo.