Suunto 7 Gabay sa User

Tapusin at suriin ang ehersisyo

Tapusin ang iyong ehersisyo.
Tingnan ang buod ng iyong ehersisyo
I-delete ang iyong ehersisyo
Tingnan ang mga detalye ng iyong ehersisyo sa Suunto mobile app
I-access ang iyong diary ng ehersisyo sa iyong relo

Tapusin ang iyong ehersisyo.

Kapag tapos ka na at handa nang tapusin ang iyong ehersisyo:

1. Siguraduhing nasa view ng ehersisyo ka.
2. Pindutin ang kanang button sa itaas.

3. Pagkatapos, pindutin ang ibabang button para tapusin at i-save ang ehersisyo.

Tingnan ang buod ng iyong ehersisyo

Pagkatapos ng iyong ehersisyo, makakuha ka ng buod ng ehersisyo para makita mo ang iyong nagawa. Mag-scroll pababa para makakita ng detalyadong impormasyon tungkol sa iyong mga pagsisikap at sa intensity ng pag-eehersisyo mo gaya ng kung ano ang iyong naging average na heart rate, peak training effect (PTE), o tinatantyang tagal ng pag-recover. Kung hindi ka pamilyar sa lahat ng termino, puwede mong alamin ang higit pang impormasyon sa Glosaryo.

Para lumabas sa buod ng ehersisyo, magagawa mong:

• Mag-swipe pakanan
• Mag-scroll pababa at mag-tap sa Close.

I-delete ang iyong ehersisyo

Kung ayaw mong i-save ang ehersisyong kakatapos mo lang i-record, puwede mo itong i-delete sa iyong relo bago ka lumabas sa buod.

1. Mag-scroll hanggang sa ibaba ng buod ng ehersisyo.
2. I-tap ang Delete.

Tingnan ang mga detalye ng iyong ehersisyo sa Suunto mobile app

Kapag nakakonekta ang iyong relo sa Suunto mobile app, awtomatikong masi-sync at mase-save ang iyong mga ehersisyo sa app sa telepono mo. Sa Suunto mobile app, magagawa mong tingnan at suriin ang iyong ehersisyo nang mas detalyado, magdagdag ng mga litrato at video, i-sync ang mga ito sa mga paborito mong serbisyo gaya ng Strava at Relive, at ibahagi ang pinakamagaganda mong sandali sa iyong mga kaibigan.

Kumonekta sa Suunto mobile app

I-access ang iyong diary ng ehersisyo sa iyong relo

Para mabilisang tingnan ang mga nakaraan mong ehersisyo, buksan ang Suunto Wear app sa iyong relo at i-swipe ang menu pataas. Mag-scroll pababa at i-tap ang Diary para tingnan ang mga nakaraan mong ehersisyo, pang-araw-araw na aktibidad, o pagtulog. Puwede mo ring i-access ang iyong Diary sa pamamagitan ng pag-tap sa alinman sa mga sumusunod na Suunto Tile: Heart rate, Resources, Today, o Sleep.